Расея ня возьме ўдзелу ў запатрабаваных Кіевам кансультацыях па Венскім дакумэнце ў АБСЭ, заявіў намесьнік кіраўніка МЗС РФ Аляксандар Грушко журналістам.
«Не, ня будзем», — сказаў дыплямат, адказваючы на адпаведнае пытаньне.
Запатрабаваныя Кіевам кансультацыі па Венскім дакумэнце ў АБСЭ заплянаваныя на 17.00 менскага часу аўторка, паведамілі раней РИА Новости ў місіі Польшчы, якая старшынюе ў арганізацыі.
Раней міністар замежных спраў Украіны Дзьмітрый Кулеба заявіў, што ўлады Ўкраіны склікаюць сустрэчу з РФ і іншымі дзяржавамі-чальцамі Венскага дакумэнту ў сувязі з тым, што Расея не адказала на запыт Кіева наконт прадастаўленьня інфармацыі аб вайсковай дзейнасьці.
ГЛЯДЗІЦЕ ТАКСАМА: Суркоў заявіў, што Расеі «цесна» ў межах «пахабнага» Берасьцейскага міру