У інтэрвію Радыё Свабода 27 студзеня Блінкен таксама заявіў, што ЗША дагэтуль ня ведаюць, якая канчатковая мэта ў Крамля адносна Ўкраіны і чаго ён хоча дамагчыся сваімі патрабаваньнямі перабудаваць цяперашнюю структуру бясьпекі Эўропы.
«Я кажу, што адзіны чалавек, які можа сказаць вам, якая мэта Крамля, — гэта прэзыдэнт Пуцін. Я ня думаю, што хтосьці іншы ведае. І ён можа нават ня ведаць гэтага, бо тое, што ён рабіў у мінулым і што, я думаю, вызначае яго падыход да рэчаў, — гэта стварыць як мага больш варыянтаў. І яны ахопліваюць увесь дыяпазон», — сказаў Блінкен.
ГЛЯДЗІЦЕ ТАКСАМА: New York Times расказала аб зьмесьце адказаў ЗША на патрабаваньні РасеіНапярэдадні ЗША і NATO далі Маскве свае адказы адносна яе патрабаваньняў «гарантый бясьпекі». Як ЗША, так і Паўночнаатлянтычны альянс заявілі Крамлю, што NATO захавае палітыку «адчыненых дзьвярэй» і ня прыме патрабаваньняў Расеі абавязацца ніколі не прымаць у альянс Украіну.
ГЛЯДЗІЦЕ ТАКСАМА: Амбасадар ЗША прывёз у МЗС Расеі адказ на патрабаваньні гарантыяў бясьпекіУ праекце двухбаковай дамовы, перададзенай Расеяй Злучаным Штатам у сярэдзіне сьнежня, амэрыканскаму боку, сярод іншага, прапануецца: узяць на сябе абавязаньне не дапускаць пашырэньня NATO на ўсход, спыніць вайсковае супрацоўніцтва з постсавецкімі краінамі, прыбраць з тэрыторыі Эўропы сваю ядзерную зброю і не разьмяшчаць там ударных сыстэм, здольных пагражаць Расеі.
ГЛЯДЗІЦЕ ТАКСАМА: Генэральны сакратар NATO пісьмова адхіліў патрабаваньне Расеі аб непрыняцьці Ўкраіны ў алянс