Прэзыдэнт Казахстану Касым-Жамарт Такаеў сваім указам зацьвердзіў склад новага ўраду.
Прэм’ер-міністрам прызначаны 49-гадовы Аліхан Смаілаў.
Раман Скляр прызначаны першым намесьнікам прэм’ер-міністра рэспублікі.
Пасты віцэ-прэм’ераў атрымалі Ералы Тугжанаў, Мухтар Тлеўбердзі і Бахыт Султанаў.
Балат Акчулакоў зьмяніў Магзума Мірзагаліева на пасадзе міністра энэргетыкі.
Свае пасады захавалі намесьнік прэм’ер-міністра — міністар замежных спраў Мухтар Тлеўбердзі, міністр абароны Мурат Бектанаў і кіраўнік МУС Ерлан Тургумбаеў.
- Ранейшы ўрад Казахстану быў адпраўлены ў адстаўку прэзыдэнтам Такаевым 5 студзеня 2022 году на фоне пратэстаў, якія пачаліся ў краіне 2 студзеня. Эканамічныя патрабаваньні пратэстоўцаў хутка перарасьлі ў палітычныя.