З 17 лістапада 2021 па 1 студзеня 2022 году ў Беларусі зарэгістравалі 5 904 пацярпелых ад галалёдных і халадовых траўмаў, паведаміла Міністэрства аховы здароўя.
За гэты пэрыяд з галалёднымі і халадовымі траўмамі ў беларускія бальніцы шпіталізавалі 708 чалавек.
Толькі за мінулыя суткі ў краіне зафіксавалі 89 галалёдных і 2 халадовыя траўмы, зь іх 8 чалавек шпіталізавалі.
На нядзелю 2 студзеня сыноптыкі абвясьцілі «аранжавы ўзровень небясьпекі»: у Беларусі прагназуюць рэзкае пагаршэньне надвор’я — на дарогах чакаецца галалёдзіца, а днём у многіх раёнах галалёд, што зьвязана з рэзкім пахаладаньнем. Яшчэ сёньня па ўсёй краіне чакаецца плюсавая тэмпэратура (у Менску +2... +4°C), а ўжо заўтра — мароз (ад −1.. −3°C у Берасьці, да −12.. −14°C у Віцебску).
ГЛЯДЗІЦЕ ТАКСАМА: «З 2018 году стаю ў чарзе». Ці адчуваецца ў Беларусі недахоп мэдыкаў? ГЛЯДЗІЦЕ ТАКСАМА: «Закрываюць установы і звальняюць мэдыкаў тыя, хто не стварыў нічога». Інтэрвію з былым міністрам аховы здароўя Зелянкевічам