У сувязі са зьніжэньнем патоку беларускіх грузаў Клайпедзкі порт звальняе 20 работнікаў, гэтую інфармацыю Delfi пацьвердзіла кіраўніцтва порту.
Гендырэктар порту Альгіс Латакас сказаў, што ўплыў санкцый порт адчувае цягам усяго году — частка грузаў зь Беларусі не прыходзіць сюды са студзеня.
«Фіксуецца зьніжэньне патоку грузаў зь Беларусі; акрамя таго, рыхтуемся да спыненьня транзыту беларускіх угнаеньняў праз Клайпедзкі порт, таму ў верасьні мы перагледзелі функцыі работнікаў дырэкцыі. З улікам аб’ёму работ было вырашана аптымізаваць дзейнасьць, пасьля гэтага будуць звольнены 20 чалавек», — сказаў ён Delfi.
«Гэтая шкода будзе вялікай, хутка кампэнсаваць такі вялікі паток транзыту ня ўдасца, таму спатрэбіцца дапамога кампаніям, і, магчыма, дырэкцыі порту», — раней сказаў Delfi Латакас.
Delfi нагадвае, што пасьля скандалу з транзытам прадукцыі «Беларуськалію» ў аўторак старшыня праўленьня «Літоўскай чыгункі» Кястуціс Шлюжас паведаміў аб звальненьні кіраўніка кампаніі Мантаса Бартушкі.
ГЛЯДЗІЦЕ ТАКСАМА: Кіраўнік Літоўскай чыгункі пакіне пасаду праз скандал вакол транзыту беларускага калію