Сусьветная арганізацыя здароўя накіравала групу хуткага рэагаваньня ў Паўднёвы Судан, дзе ад невядомай хваробы памерлі 89 чалавек.
Пра гэта паведамляе ВВС.
Першапачатковыя ўзоры, сабраныя ў гэтым раёне, паказалі, што гэта не халера, як раней меркавалі лекары. Усе памерлыя былі жыхарамі штату Джонглей на ўсходзе краіны, які найбольш пацярпеў ад нядаўняй паводкі — наймацнейшай за апошнія 60 гадоў.
Экспэрты САЗ павінны правесьці расьсьледаваньне і ацаніць рызыкі распаўсюджваньня хваробы, сказаў журналістам ВВС прадстаўнік арганізацыі.
Каля паўмільёна чалавек пацярпелі і былі вымушаны пакінуць свае дамы ў выніку паводак, якія абрынуліся на Паўднёвы Судан, пачынаючы з траўня.