Пра гэта стала вядома спартоваму сайту «Трыбуна».
«Трыбуна» мяркуе, што галоўным ягоным абавязкам на новым месцы стане праверка работнікаў цэнтру на добранадзейнасьць. Іншымі словамі, вывучэньне лайкаў і пастоў у сацсетках, подпісаў за вылучэнцаў падчас прэзыдэнцкай кампаніі-2020 і г.д.
Згодна зь незалежнымі расьсьледаваньнямі, менавіта баец «Алмазу», якім тады кіраваў Віктар Зураеў, зрабіў сьмяротны стрэл у менчука Аляксандра Тарайкоўскага падчас разгону акцыі пратэсту ля станцыі мэтро «Пушкінская» летась 10 жніўня.
ГЛЯДЗІЦЕ ТАКСАМА: Год ад раненьня журналісткі Натальлі Лубнеўскай. Крымінальнай справы на сілавікоў дагэтуль нямаУ тым жа месяцы Аляксандар Лукашэнка ўзнагародзіў Віктара Зураева мэдалём «За бездакорную службу».
ГЛЯДЗІЦЕ ТАКСАМА: Што са справамі зьніклых апанэнтаў Лукашэнкі ГЛЯДЗІЦЕ ТАКСАМА: Год з дня сьмерці Аляксандра Тарайкоўскага. Як гэта былоАхвяры беларускіх пратэстаў. Што важна ведаць
Аляксандар Тарайкоўскі, Аляксандар Віхор, Генадзь Шутаў і Раман Бандарэнка (зьлева направа)
За ўвесь час пратэстаў пры розных абставінах загінулі сама меней 4 чалавекі. Пры гэтым улады і кіраўніцтва МУС ні разу не прызналі, што людзі загінулі ад рук сілавікоў. Гэтыя людзі на сёньня лічацца ахвярамі пратэстаў:
- Аляксандар Тарайкоўскі, 34 гады, Менск, застрэлены сілавікамі на вуліцы Прытыцкага;
- Аляксандар Віхор, 25 гадоў, Гомель, памёр пасьля зьбіцьця ў міліцыі;
- Генадзь Шутаў, 43 гады, Берасьце, застрэлены сілавіком;
- Раман Бандарэнка, 31 год, Менск, пабіты да непрытомнасьці, памёр у шпіталі.
Таксама дагэтуль невядомыя абставіны сьмерці яшчэ некалькіх чалавек. Іх сваякі і сябры лічаць, што яны маглі быць забітыя падчас пратэстаў.
- Мікіта Крыўцоў, 28 год, Жодзіна, знойдзены павешаным;
- Аляксандар Дзямідаў, 25 гадоў, Бараўляны, знойдзены мёртвым;
- Канстанцін Шышмакоў, 29 гадоў, Ваўкавыск, нібыта ўчыніў самагубства;
- Арцём Парукаў, 19 гадоў, Менск, зьбіты машынай.