Эўразьвяз вылучае дадатковыя 30 млн эўра на дапамогу, сярод іншага, беларускім незалежным СМІ, паведаміла ў нядзелю кіраўніца Эўракамісіі Урзуля фон дэр Ляен.
«Эўразьвяз падтрымлівае беларускі народ у яго барацьбе за свабоду і дэмакратыю. Сёньня мы ўзмацняем нашу падтрымку, вылучаючы дадаткова 30 млн эўра на дапамогу моладзі, незалежным СМІ, малому і сярэднему бізнэсу, дзеячам культуры, якія вымушана пакінулі Беларусь», — напісала яна ў твітэры.
Sviatlana @Tsihanouskaya, you are an inspiration to us all.The EU stands by the Belarusian people in their fight for freedom and democracy.⁰Today we are stepping up our support, with an additional €30 million for youth, independent media, SMEs in exile and cultural actors. pic.twitter.com/KWZeQjrmQX
— Ursula von der Leyen (@vonderleyen) December 12, 2021
«Беларускі народ мае законнае права вызначаць далейшы шлях сваёй краіны. Эўразьвяз з народам Беларусі. Маем эканамічны і інвэстыцыйны пакет у 3 мільярды эўра, падрыхтаваны для дэмакратычнай Беларусі», — дадала яна.
The Belarusian people have the legitimate right to determine the future path of their country. The EU is with them. We have a €3 billion economic and investment package ready to go for a democratic Belarus. pic.twitter.com/vmq7WyZXP4
— Ursula von der Leyen (@vonderleyen) December 12, 2021
12 сьнежня кіраўнік Эўракамісіі Урзуля фон дэр Ляен сустрэлася зь Сьвятланай Ціханоўскай. У траўні фон дэр Ляен паведаміла Ціханоўскай аб зацьвярджэньні Пляну дапамогі ЭЗ для дэмакратычнай Беларусі у памеры 3 мільярдаў эўра. Сёньня, падчас першай асабістай сустрэчы, яны абмеркавалі разьвіцьцё адносінаў Беларусі і ЭЗ цяпер і пасьля сыходу Лукашэнкі.
ГЛЯДЗІЦЕ ТАКСАМА: Ціханоўская ў нядзелю правядзе тры сустрэчы зь кіраўніцтвам Эўразьвязу ГЛЯДЗІЦЕ ТАКСАМА: Старшыня Эўракамісіі ў Літве: Лукашэнку не ўдалося падарваць адзінства ЭЗ