У нядзелю папа рымскі Францішак наведаў лягер уцекачоў на грэцкай выспе Лесбас. Пантыфік выказаў шкадаваньне ў сувязі з надыходам «эпохі сьценаў і загародаў з калючага дроту», а таксама асудзіў эксплуатацыю мігрантаў дзеля дасягненьня палітычных мэтаў.
Францішак, які, як чакалася, выйдзе да подыюму, вырашыў прайсьці праз тэрыторыю лягера, вітаючыся зь яго жыхарамі, паведаміла агенцтва Reuters.
Пантыфік у 2016 годзе падчас наведваньня лягераў мігрантаў вывез з сабой у Італію 12 сырыйскіх уцекачоў. Гэтым разам, знаходзячыся ў пяцідзённым турнэ па Грэцыі і Кіпры для сустрэч з уцекачамі і мігрантамі, Францыск прызнаў, што за пяць гадоў «мала што зьмянілася».
ГЛЯДЗІЦЕ ТАКСАМА: Папа Францішак заклікаў быць міласэрнымі да ўцекачоў