Як стала вядома праваабаронцам «Вясны», 10 лістапада Марыне Дуброўскай зьмянілі меру стрыманьня на хатні арышт.
Давераную асобу Сьвятланы Ціханоўскай Марыну Дуброўскую затрымалі 9 ліпеня падчас «шырокамаштабнай апэрацыі КДБ па зачыстцы ад радыкальна настроеных людзей», нагадвае ТГ-канал Zerkalo. Жанчыне вылучылі абвінавачаньне па артыкуле 342-2 Крымінальнага кодэксу (фінансаваньне дзейнасьці экстрэмісцкага фармаваньня) і зьмясьцілі ў СІЗА, дзе яна знаходзілася 4 месяцы.
Нягледзячы на зьмену меры стрыманьня, крымінальная справа супраць Марыны Дуброўскай не закрытая, і яна застаецца палітычнай зьняволенай.