У Менскім гарадзкім судзе 15 лістапада пачаўся судовы працэс над палітзьняволенай маці пяцёх дзяцей Вольгай Залатар, якую трымаюць пад вартай ужо 8 месяцаў.
У красавіку былы адвакат Залатар Андрэй Мачалаў заявіў, што падчас допытаў Вольгу білі, намагаючыся здабыць паролі ад тэлефона. За гэтую заяву адваката пазбавілі ліцэнзіі, піша «Вясна».
Перад пачаткам суду над Вольгай Залатар.
Цяпер Вольгу Залатар вінавацяць паводле наступных артыкулаў Крымінальнага кодэксу:
- ч. 1 арт. 361-1 (стварэньне экстрэмісцкага фармаваньня);
- ч. 1 і 2 арт. 342 (арганізацыя і навучаньне дзеяньням, што груба парушаюць грамадзкі парадак);
- ч. 1 арт. 16 ч. 1 арт. 342 (пасобніцтва да арганізацыі дзеяньняў).
Залатар пагражае да 7 гадоў пазбаўленьня волі.
Перад пачаткам суду над Вольгай Залатар.
Справу палітзьняволенай разглядае судзьдзя Анастасія Папко, дзяржабвінавачаньне падтрымлівае Жанна Баранава.
На судзе Вольга Залатар не прызнала віны ні па адным з артыкулаў.
ГЛЯДЗІЦЕ ТАКСАМА: «Раней лісты ад яе былі больш бадзёрыя». Што новага ў Вольгі Залатар, якую пачнуць судзіць 15 лістапада ГЛЯДЗІЦЕ ТАКСАМА: Палітзьняволеная шматдзетная маці Вольга Залатар склала топ месцаў для вандровак па Беларусі