Палітзьняволены журналіст Дзяніс Івашын напісаў заяву на сустрэчу з доктарам у турме, паведаміла ягоная жонка.
Паводле яе, Дзяніс Івашын па-ранейшаму адчувае праблемы з сэрцам, перадае «Вясна».
Улетку ў яго здарыўся сардэчны прыступ.
Дзяніса Івашына трымаюць за кратамі ўжо 245 дзён. Як піша «Новы Час», апошнія два месяцы родныя не атрымлівалі ад яго лістоў.
ГЛЯДЗІЦЕ ТАКСАМА: 481 дзень за кратамі без суду. Каго зь вядомых палітвязьняў яшчэ не асудзілі, і што вядома пра іх справыСьвятлана Ціханоўская заклікала падтрымаць студэнтаў-палітвязьняў
12 лістапада споўніўся роўна год, як за краты трапілі 11 беларускіх студэнтаў і адна выкладчыца.
Сьвятлана Ціханоўская заклікала падтрымаць іх:
- напісаць ім лісты,
- запосьціць у сваіх сацыяльных сетках урыўкі зь іхных лістоў ці іх малюнкі,
- выказаць словы падтрымкі блізкім,
- падтрымаць ініцыятывы Задзіночаньня беларускіх студэнтаў.
«Давайце падтрымаем нашу будучыню, якая змагаецца зь мінулым. Я веру ў такую моладзь. Я веру ў такую Беларусь», — напісала Сьвятлана Ціханоўская.
ГЛЯДЗІЦЕ ТАКСАМА: «Мы ўсё яшчэ змагаемся». Што адбываецца са студэнцкім рухам праз год пасьля «справы студэнтаў»