Беларускі апазыцыйны палітык Сьвятлана Ціханоўская пракамэнтавала миграцыйны крызіс у інтэрвію Deutsche Welle.
«Сытуацыя, вядома, гнятлівая. Мы разумеем, што ўцекачы на мяжы Беларусі з Польшчай — гэта такія ж закладнікі гэтага рэжыму, як і беларусы ўнутры краіны. Нелегальная міграцыя арганізавана дзеля таго, каб прымусіць Захад размаўляць зь нелегітымным рэжымам. Гэта з аднаго боку. А з другога, такім чынам рэжым імкнецца зрушыць фокус увагі з праблемаў Беларусі на праблему міграцыйнага крызісу. Акрамя таго, рэжым Лукашэнкі спрабуе тым самым унесьці раскол у шэрагі краін Эўрапейскага Зьвязу».
Паводле Ціханоўскай, у Бэрліне яна зразумела, што эўрапейскія краіны «ня будуць абмяркоўваць сытуацыю зь нелегітымным рэжымам». Таксама яна лічыць, што «Расея магла б адыграць канструктыўную ролю ў разьвязаньні гэтага крызісу» і не фінансаваць рэжым Лукашэнкі, а таксама не падтрымліваць яго дыпляматычна.
ГЛЯДЗІЦЕ ТАКСАМА: Польшча і Нямеччына патрабуюць як мага хутчэй новых санкцый ЭЗ супраць афіцыйнага МенскуНа думку Сьвятланы Ціханоўскай, найперш трэба дапамагаць уцекачам, размаўляць з краінамі, зь якіх яны прылятаюць, каб паўплываць на сытуацыю, але не абмяркоўваць нелегальную іміграцыю з рэжымам без удзелу саміх беларусаў.
Ціханоўская знаходзіцца зь візытам у Бэрліне да 12 лістапада. Яна праводзіць сустрэчы зь нямецкімі палітыкамі і прадстаўнікамі беларускай дыяспары ў Бэрліне.
ГЛЯДЗІЦЕ ТАКСАМА: Ціханоўская ў Бэрліне пра міграцыйны крызіс: «Нямеччына асьцярожнічае і марудзіць» ГЛЯДЗІЦЕ ТАКСАМА: Новыя спробы прарыву мяжы і эўрапейскія санкцыі. Мігранцкі крызіс: што адбываецца 11 лістапада