Там указваецца, што кваліфікацыя гэтага юрыста нібыта «ня цалкам адпавядае патрабаваньням заканадаўства».
Такую пастанову вынесла кваліфікацыйная камісія ведамства ў пытаньнях адвакацкай дзейнасьці ў Беларусі.
Аляксандру Бірылаву далі паўгода на тое, каб выканаць прыкладзеныя рэкамэндацыі, пасьля чаго будзе праведзеная новая атэстацыя.
Ліцэнзіі горадзенскага адваката пакуль не пазбаўлялі.
Цягам апошняга часу безь ліцэнзій пакінулі ўжо цэлы шэраг юрыстаў, якія прадстаўлялі інтарэсы палітвязьняў. Напрыклад, асуджанага на 14 гадоў зьняволеньня прэтэндэнта ў прэзыдэнты Віктара Бабарыку такім чынам цалкам пазбавілі права на абарону. А адзін зь ягоных адвакатаў Максім Знак і сам пакараны 10 гадамі калёніі.
ГЛЯДЗІЦЕ ТАКСАМА: Топ-10 адвакатаў, пазбаўленых ліцэнзій за палітычныя справы, і каго яны абараняліАд мінулага году агулам бяз працы засталіся прыкладна два дзясяткі дасьведчаных юрыстаў, некаторыя зьехалі зь Беларусі.