Станіслаў Жарын нагадаў, што мігранты, якіх рэжым Лукашэнкі выкарыстоўвае для дэстабілізацыі польскай мяжы, плацяць за праходжаньне міграцыйнага шляху ад 2 000 да 12 000 даляраў.
«Паводле нашых ацэнак, рэжым Лукашэнкі сабраў мільёны даляраў за гэты міграцыйны маршрут. Прыток будзе працягвацца на працягу ўсяго пэрыяду яго функцыянаваньня», — сказаў Жарын.
Ён адзначыў, што прыбытак, атрыманы ад мігрантаў, дазваляе зьнізіць страты ад санкцый ЭЗ, уведзеныя ў дачыненьні ўладаў Беларусі. Грошы ідуць, у тым ліку авіякампаніі «Белавія» і менскаму аэрапорту, а таксама Дзяржаўнаму памежнаму камітэту, КДБ і Адміністрацыі Лукашэнкі, якая кантралюе дзейнасьць турфірмы «ЦэнтарКурорт».
«Стварэньне пастаяннага маршруту міграцыі ў Эўрапейскі зьвяз будзе формай пастаяннага фінансаваньня беларускага рэжыму, які застаецца варожым Польшчы», — заявіў Жарын.
ГЛЯДЗІЦЕ ТАКСАМА:
Апошні кідок на Захад. Безнадзейная спэцапэрацыя зь мігрантамі набліжаецца да фіналу