Адпаведнае паведамленьне разьмешчана на сайце арганізацыі. У ім пазначана, што АРІП аказвае новыя паслугі — прапаноўвае дадзеныя аб кліентах і аўтэнтыфікацыю фізычных асобаў.
ГЛЯДЗІЦЕ ТАКСАМА: Кіраўнік КДБ папярэдзіў мясцовых чыноўнікаў, што замежныя спэцслужбы зьбіраюць інфармацыю на іх сваякоўУ арганізацыі тлумачаць, што прадаваць зьвесткі кліентаў будуць для «абнаўленьня і актуалізацыі дадзеных розных структур». Купіць інфармацыю пра карыстальнікаў сыстэмы змогуць банкі, крэдытна-фінансавыя арганізацыі (акрамя тых, якія аказваюць касава-інкасатарскія паслугі), Банк разьвіцьця Рэспублікі Беларусь ды іншыя асобы, што ажыцьцяўляюць фiнансавыя апэрацыi.
За доступ да базы на месяц трэба заплаціць 1 710 рублёў.
ГЛЯДЗІЦЕ ТАКСАМА: «Фактар стрыманьня для сілавікоў». Экспэрт лічбавай бясьпекі пра наступствы ўзлому пашпартнай сыстэмы БеларусіАўтэнтыфікацыю або вэрыфікацыю фізычных асобаў будуць праводзіць з дапамогай міжбанкаўскай сыстэмы ідэнтыфікацыі (МСІ) з выкарыстаньнем біямэтрычных дадзеных у дыстанцыйных каналах. Такая паслуга даступная суб’ектам МСІ.