Беларускія вайскоўцы ў кастрычніку адправяцца на вучэньні ў Таджыкістан, паведамляе агенцтва «Інтэрфакс».
Інфармацыя пра іх дыслякацыю ў Беларусі і колькасны склад камандзіраваных пакуль не ўдакладняецца. Толькі адзначаецца, што ў манэўрах будуць задзейнічаныя і іншыя дзяржавы АДКБ.
ГЛЯДЗІЦЕ ТАКСАМА: Краіны АДКБ адмовіліся прымаць афганскіх уцекачоўПаводле камандаваньня расейскай Цэнтральнай вайсковай акругі, агулам больш за 2,7 тысячы вайскоўцаў і 500 адзінак тэхнікі на мяжы Таджыкістану з Афганістанам правядуць тры этапы сумесьных вучэньняў пад кодавымі назвамі «Узаемадзеяньне», «Пошук» і «Эшалён».
У Таджыкістане разьмяшчаецца найбуйнейшы вайсковы аб’ект Расеі за яе межамі — 201-я вайсковая база. На фоне прыходу да ўлады талібаў у Афганістане фармаваньне ўзмацнілі новым узбраеньнем.
ГЛЯДЗІЦЕ ТАКСАМА: «Талібан» адправіў тысячы байцоў-сьмяротнікаў ў памежную з Таджыкістанам правінцыюТаджыкістан запрасіў дапамогу ў АДКБ пасьля ўскладненьня сытуацыі на афганскай мяжы.