Міністэрства інфармацыі закрыла доступ да сайту беларускай «Камсамолкі». Пры спробе зайсьці на kp.by зь Беларусі выдаецца стандартнае паведамленьне пра блякаваньне.
Калі набраць kp.by з-за мяжы ці праз VPN, зьяўляецца паведамленьне, што сайт недаступны. Імаверна, беларускі сэрвэр з сайтам адключылі, як гэта было ў выпадку з Tut.by і БелаПАН.
ГЛЯДЗІЦЕ ТАКСАМА: «Краіна як абложаная крэпасьць». Галоўны рэдактар «Комсомольской правды» пра блякаваньне беларускай вэрсіі сайту газэтыНапярэдадні КП апублікавала камэнтар аднаклясьніцы забітага Андрэя Зельцэра, у якім яна станоўча пра яго выказалася. Гэта выклікала абурэньне праўладных тэлеграм-каналаў.
Пасьля гэтага КП зьмяніла акцэнты ў матэрыяле.
Летась у жніўні пасьля асьвятленьня мірных акцый пратэсту КП страціла магчымасьць друкавацца ў Беларусі. Газэту таксама не ўключылі ў падпісны каталёг «Белпошты» на 2021 год.
ГЛЯДЗІЦЕ ТАКСАМА: У Менску падчас рэйду КДБ па кватэрах у страляніне загінулі двое. Што вядома?