Як паведаміў прадстаўнік генэральнага сакратара ААН Антонію Гутэрыша, Гутэрыш атрымаў ад «Талібану» ліст з просьбай аб удзеле ў дэбатах на найвышэйшым узроўні. Ён датаваны 20 верасьня, гэта значыць днём, які папярэднічаў адкрыцьцю Асамблеі. Пасланьне падпісана міністрам замежных спраў ва ўрадзе талібаў — Амірам Ханам Мутакі.
ГЛЯДЗІЦЕ ТАКСАМА: Краіны АДКБ адмовіліся прымаць афганскіх уцекачоўУ лісьце Мутакі адзначае, што былы прэзыдэнт Афганістану Ашраф Гані быў «скінуты» 15 жніўня і што краіны па ўсім сьвеце «больш не прызнаюць яго прэзыдэнтам». Паводле Мутакі, акрэдытаваны пры ААН амбасадар Афганістану Гулам Ісакзай «больш не прадстаўляе» краіну. Новым пастаянным прадстаўніком талібы назвалі Мухамада Сугеля Шагіна, які быў прэс-сакратаром «Талібану» на міжнародных перамовах у Катары.
ГЛЯДЗІЦЕ ТАКСАМА: «Рэпартэры бязь межаў» заявілі пра рост колькасьці нападаў на журналістаў у АфганістанеУ Дзяржаўным дэпартамэнце ЗША паведамілі, што ведамства ў курсе запыту талібаў адносна цяперашняй сэсіі Генэральнай Асамблеі ААН. Злучаныя Штаты ўваходзяць у склад чальцоў камітэту ААН для праверкі паўнамоцтваў. Але пакуль што Дзяржаўны дэпартамэнт не бярэцца спрагназаваць магчымае рашэньне гэтага камітэту.
ГЛЯДЗІЦЕ ТАКСАМА: Паветраныя зьмеі, бача-пош, талібы і ЦРУ. Шэсьць кніжак пра Афганістан