«Вайсковыя эшалёны з расейскімі вайскоўцамі, якія ўдзельнічалі ў сумесным стратэгічным вучэньні ўзброеных сіл Беларусі і Расеі „Захад-2021“, выправіліся з чыгуначнай станцыі „Брэст-Паўднёвы“ ў свае распалажэньні на тэрыторыі Расеі», — гаворыцца ў паведамленьні абароннага ведамства Беларусі.
ГЛЯДЗІЦЕ ТАКСАМА: «Захад-2021»: «Расея і Беларусь трэніруюцца ваяваць з NATO»Таксама шмат вайсковых верталётаў заўважана над Менскам — імаверна, гэтаксама з расейскай групоўкі.
Расейска-беларускія вучэньні «Захад-2021» праходзяць раз на два гады як «завяршальны этап сумеснай падрыхтоўкі ўзброеных сілаў дзьвюх краін». Сёлета 10–15 верасьня на тэрыторыі Расеі і Беларусі было задзейнічана каля 200 тысяч вайскоўцаў, блізу 100 самалётаў і верталётаў, да 760 адзінак баявой тэхнікі.
ГЛЯДЗІЦЕ ТАКСАМА: Маштаб, мэты, пратэсты: што трэба ведаць пра беларуска-расейскія вучэньні «Захад»Паводле Міністэрства абароны Расеі, каля 2,5 тысячы расейскіх вайскоўцаў былі перакінутыя ў Беларусь. Да сярэдзіны кастрычніка войскі, экіпажы тэхнікі і авіяцыі вернуцца на свае базы, запэўнілі ў ведамстве.