У нядзелю, 19 верасьня, было зроблена 276 спробаў нелегальнага перасячэньня польскай мяжы з боку Беларусі.
Пра гэта паведамляе ў Twitter Памежная варта Польшчы. У паведамленьні адзначаецца, што памежнікі затрымалі 19 мігрантаў — 8 з Сырыі, 6 з Ірану, 3 з Іраку і 1 з Конга, а іншыя спробы перасячэньня мяжы прадухілілі. Затрымалі таксама 5 чалавек, якія дапамагалі мігрантам перайсьці на польскі бок: 2 грамадзян Польшчы, 2 грамадзян Украіны і 1 грамадзяніна Грузіі.
W niedzielę 19.09 było 276 prób przekroczenia granicy z🇧🇾do🇵🇱Zatrzymano 19 nielegalnych imigrantów: 9 ob.Syrii, 6 ob.Iranu, 3ob. Iraku o ob. Konga. Pozostałym próbom funkcjonariusze SG zapobiegli. Za pomocnictwo zatrzymano 5 os: 2 ob. Polski, 2 ob. Ukrainy i ob. Gruzji. pic.twitter.com/uN25echccH
— Straż Graniczna (@Straz_Graniczna) September 20, 2021
- 19 верасьня стала вядома пра трупы на польска-беларускай мяжы. Цела грамадзянкі Іраку знайшлі беларускія памежнікі, целы трох мужчын — польскія памежнікі. Праўдападобна, прычынай іх сьмерцяў стала пераахаладжэньне.
- Памежная варта Польшчы паведаміла таксама, што 19 верасьня выратавала з балота каля ракі Супрасьль васьмёх мігрантаў, якія спрабавалі парушыць дзяржаўную мяжу краіны з боку Беларусі. Сярод іх 5 мужчын і 3 жанчыны.
- У суботу, 18 верасьня, польскія памежнікі не пусьцілі ў краіну 324 мігрантаў з боку Беларусі — гэта рэкордная колькасьць ад пачатку году.