Супрацоўнік Ленінскага РАУС Магілёва Раман Міранкоў памёр 9 верасьня ў Магілёўскай гарадзкой лякарні хуткай мэдычнай дапамогі ад раненьня ў галаву.
Паводле інфармацыі 6tv.by, 24-гадовы міліцыянт зьдзейсьніў спробу суіцыду 2 верасьня. У прыбіральні будынку Ленінскага РАУС Магілёву ён стрэліў сабе ў галаву з табэльнага пісталета Макарава.
Пасьля гэтага Рамана Міранкова даставілі ў рэанімацыю са скразным раненьнем. Увесь гэты час ён знаходзіўся на апараце штучнай вэнтыляцыі лёгкіх.
ГЛЯДЗІЦЕ ТАКСАМА: ByPol паведаміў пра самагубства адстаўнога міліцэйскага начальніка ў Берасьці, які летась браў удзел у разгонах пратэстаўСуразмоўцы «Магілёўскага рэгіёну» выказалі сумневы ў тым, што гэта была спроба самагубства. Яны сьцьвярджаюць, што ў маладога чалавека не было сур’ёзных праблем, да трагедыі ён знаходзіўся ў сваім звычайным настроі.
Але таксама зьявілася інфармацыя, што міліцыянт не прайшоў пераатэстацыі і з крымінальнага вышуку яго перавялі ва ўчастковыя інспэктары.
У МУС ніяк не камэнтуюць здарэньне і яго прычыны.
ГЛЯДЗІЦЕ ТАКСАМА: Ахвяры сілавікоў: іх нашмат больш, чым мы думаем