У сталіцы Чэхіі сёньня прайшла акцыя салідарнасьці з беларускімі незалежнымі журналістамі, у якой узялі ўдзел актывісты беларускай дыяспары і жыхары Прагі, якія салідарныя з беларускім народам.
Мэр Прагі Здэнэк Гржыб выказаў падтрымку беларускім незалежным журналістам, нагадаў, што забароненая Беларуская асацыяцыя журналістаў, а супрацоўнікі СМІ, у тым ліку інтэрнэт-выданьняў, падвяргаюцца перасьледу. Мэр Прагі паведаміў, што сёньня адаслаў ліст салідарнасьці зьняволенай супрацоўніцы «Белсату» Кацярыне Андрэевай, заўважыўшы, што ліст «мае мала шанцаў прайсьці праз турэмную цэнзуру».
Салідарнасьць з супрацоўнікамі незалежных беларускіх СМІ выказаў ікіраўнік Міжнароднага аддзелу адміністрацыі прэзыдэнта Чэскай Рэспублікі Пэтр Пэрунчык. Актывіст беларускай дыяспары Яўген Сідорык зачытаў ліст ад кіраўніцтва Беларускай асацыяцыі журналістаў.
ГЛЯДЗІЦЕ ТАКСАМА:
Шматдзетныя маці, журналісткі, пэнсіянэркі: жанчыны ў няволі, зь якімі нібыта «не ваюе» ЛукашэнкаГЛЯДЗІЦЕ ТАКСАМА:
Зьняволеным журналісткам Андрэевай і Чульцовай прысудзілі Ляйпцыгскую прэмію за свабоду СМІГЛЯДЗІЦЕ ТАКСАМА:
«Здаецца, у краіне адмянілі ўсе законы». Фігуранты «справы Tut.by» пра 100 дзён у няволі