У выніку дзеяньня кантракту агульныя пастаўкі амэрыканскага звадкаванага прыроднага газу ў Польшчу дасягнуць 5,5 млн тон у год, або 7,4 млрд кубамэтраў пасьля рэгазыфікацыі. Першыя пастаўкі па кантракце чакаюцца ў 2023 годзе, піша Голас Амэрыкі.
🇵🇱 #PGNiG will purchase more #naturalgas from 🇺🇸 #VentureGlobalLNG. The volume of #LNG contracted from Venture Global LNG by PGNiG will increase up to 5,5 MTPA, which equals approximately 7.4 bcm following regasification.➡️ https://t.co/qeHyvLTTBl pic.twitter.com/K3O7hhLPet
— PGNiG (@GK_PGNiG) September 2, 2021
Намесьнік прэм’ер-міністра Польшчы Яцэк Сасін падкрэсьліў важнасьць кантракту для энэргетычнай незалежнасьці краіны.
«Амэрыканскі газ, які пастаўляецца надзейным патэнцыйным партнэрам, разам з палівам, якое паступае ў Польшчу праз Балтыйскі трубаправод з Нарвэгіі, дазволіць нам не залежаць ад паставак з усходу», — сказаў Сасін.
Майк Сабэль з кампаніі Venture Global адзначыў экалягічныя перавагі амэрыканскага газу, ён адзначыў, што гэта зьнізіць выкіды вугляроду.
Раней міністарка энэргетыкі ЗША Джэніфэр Ґрэнґольм назвала расейскі газ «самым брудным у сьвеце», паколькі яго здабыча і выкарыстаньне суправаджаюцца значнымі выкідамі вугляроду.
ГЛЯДЗІЦЕ ТАКСАМА: Цэны на газ у Эўропе абнавілі рэкорд пасьля выбуху на заводзе «Газпрома» ГЛЯДЗІЦЕ ТАКСАМА: «Самы дурны праект Расеі». Чым «Паўночны паток — 2» небясьпечны для Беларусі?