Памёр намесьнік старшыні Шчучынскага райвыканкаму ў пытаньнях эканомікі Дзьмітры Крывецкі. Яму было 32 гады.
Пра гэта паведамляе Эўрарадыё, адзначаючы, што сьмерць чыноўніка наступіла «нядаўна» і што яе пацьвердзілі ў прыёмнай выканкаму, але прычынаў сьмерці не патлумачылі.
Эўрарадыё таксама адзначае, што з сайта выканкаму зьнікла фота першага намесьніка старшыні Анатоля Тодрыка, дадаючы, што «па зьвестках, якія ў нас пакуль не атрымалася праверыць, ён затрыманы, прычым яшчэ ў пачатку году».
ГЛЯДЗІЦЕ ТАКСАМА: «Калі ўсьміхнуўся, могуць прыйсьці са „шмонам“». Як жыве вязень, які адседзеў за пудзілы міліцыянтаў