19 ліпеня ў судзе Цэнтральнага раёну Менска судзьдзя Вікторыя Шабуня вынесла прысуд чатыром абвінавачаным паводле артыкулу 293 Крымінальнага кодэкса (Масавыя беспарадкі) і артыкулу 342 КК (Арганізацыя ці актыўны ўдзел у групавых дзеяньнях, якія груба парушаюць грамадзкі парадак). Усе хлопцы былі затрыманыя ў верасьні 2020 году, яны прызнаныя палітвязьнямі. Самы вялікі тэрмін атрымаў 22-гадовы Ўладзіслаў Барысаў. Яго маці Алена расказала пра сына і яго захапленьні.
Падчас апошняга слова ў судзе Ўладзіслаў Барысаў зьвярнуўся да судзьдзі і пракурора: «Я вам жадаю спыніцца, падумаць і раскаяцца. І вядома маліцеся. Маліцеся за тое, каб да ўлады прыйшлі тыя людзі, якія будуць за аб’ектыўнае сьледзтва, а ня тыя, хто вас будзе проста па слупах разьвешваць».
ГЛЯДЗІЦЕ ТАКСАМА: Праваабаронцы прызналі 10 новых палітычных вязьняў