У Петрыкаве на рудніку «Беларуськалію» загінулі двое рабочых

Петрыкаўскі горнаўзбагачальны комплекс, архіўнае фота

Каля 4-й гадзіны раніцы на рудніку Петрыкаўскага рудаўпраўленьня «Беларуськалію» атрымалі сьмяротныя траўмы мужчыны 1988 і 1994 гадоў нараджэньня.

Яны працавалі газазварнікамі. Пра здарэньне паведаміла мясцовае выданьне «Петрыкаўскія навіны» ва «Ўкантакце» з спасылкай на інфармацыю ААТ «Трэст Шахтаспэцбуд». Цяпер высьвятляюць абставіны здарэньня.

Паводле тэлеграм-каналу «Стачком ААТ „Беларуськалий“», рабочых прыдушыла машынай, у якой не працавалі тармазы. Работнікаў прымушаюць працаваць з парушэньнямі правілаў бясьпекі, сьцьвярджае тэлеграм-канал.

ГЛЯДЗІЦЕ ТАКСАМА: Нарвэскі партнэр «Беларуськалію» заявіў, што не перастане купляць яго прадукцыю