Як паведамле «Голас Амэрыкі», Амэрыканская фэдэрацыя навукоўцаў апублікавала даклад, у якім са спасылкай на спадарожнікавыя фатаграфіі сьцьвярджаецца, што Кітай будуе новае поле шахтаў у раёне гораду Хамі ва ўсходняй частцы Сіньцьзяну.
Дакумэнт зьявіўся празь некалькі тыдняў пасьля іншага дакладу аб будаўніцтве каля 120 ракетных шахтаў у Юймэні — пустэльным раёне, разьмешчаным прыкладна за 380 кілямэтраў на паўднёвы ўсход.
«Ужо другі раз за два месяцы грамадзкасьць даведваецца тое, пра што мы ўвесь час казалі, — пра рост пагрозы, зь якой сутыкнуўся сьвет, і заслону сакрэтнасьці, якая яе акружае», — заявіла Стратэгічнае камандаваньне ЗША ў твіце са спасылкай на артыкул у New York Times, прысьвечаны дакладу Амэрыканскай фэдэрацыі вучоных.
Дзяржаўны дэпартамэнт у пачатку ліпеня назваў нарошчваньне ядзернага патэнцыялу Кітая трывожным, заявіўшы, што, мяркуючы па ўсім, Пэкін адыходзіць ад ядзернай стратэгіі, заснаванай на мінімальным стрымліваньні, якой ён трымаўся некалькі дзесяцігодзьдзяў.
ГЛЯДЗІЦЕ ТАКСАМА: На мяжы Азэрбайджану і Армэніі пачаліся перастрэлкі