Як паведаміла Крымінальная служба мытні, кантрабанда была выяўленая ў грузавіку Scania, за рулём якога знаходзіўся грамадзянін Беларусі. Кіроўца дэкляраваў, што вязе транзытам празь Літву ў Польшчу 20,5 тон драўніны.
Як паведамляе delfi.lt, пры прастукваньні грузу ў службовых асоб выклікаў падазрэньне глухі гук, характэрны для запоўненых паражнін. Пры дэталёвай праверцы выявіліся схованкі, поўныя цыгарэт Minsk Capital MS.
Па папярэдніх дадзеных (праверка схованак і падлік цыгарэт яшчэ ня скончаныя), у цэлым у грузавіку маглі правозіць каля 560 тысяч пачак цыгарэт, кошт якіх з абавязковымі да выплаты падаткамі складаў бы 1,94 млн эўра.
Кіроўцу грузавіка затрымалі на двое сутак, пазьней яго адпусьцілі, была прызначаная меры стрыманьня – канфіскацыя дакумэнтаў, падпіска аб нявыезьдзе і грашовы заклад.
ГЛЯДЗІЦЕ ТАКСАМА: Літоўскія памежнікі затрымалі ў пятніцу 121 мігранта зь Беларусі