6 ліпеня Вярхоўны суд пакараў экс-старшыню «Белгазпрамбанку» і ўдзельніка прэзыдэнцкай кампаніі Віктара Бабарыку 14 гадамі пазбаўленьня волі. Свабода прыгадвае, што ён казаў падчас судовага працэсу, які цягнуўся амаль 5 месяцаў.
ГЛЯДЗІЦЕ ТАКСАМА: Вярхоўны суд пакараў Віктара Бабарыку 14 гадамі пазбаўленьня волі. Ён ня мае права абскарджваць
Палітвязень Віктар Бабарыка выступіў падчас працэсу па справе «Белгазпрамбанку» ў Вярхоўным судзе двойчы — 6 красавіка і, з апошнім словам, 28 чэрвеня.
Пра рашэньне 12 траўня вылучацца кандыдатам у прэзыдэнты
«Я прапаноўваў іншыя варыянты разьвіцьця, у адрозьненьне ад дзейнай на той момант сыстэмы, якая, уласна, захоўваецца і на сёньняшні момант: састарэлай, квазісацыялістычнай, квазісавецкай сыстэмы».
Пра даручэньне Лукашэнкі ад 10 чэрвеня, калі за Бабарыку было сабрана каля 300 тысяч подпісаў, «прашарсьціць пузатых буржуяў»
«Ну, гхм, я, напэўна, вядома, за 9 месяцаў стаў менш пузатым буржуем. Але ўсё роўна».
Пра абвінавачаньне супраць сябе
«Я гэтае абвінавачаньне катэгарычна адмаўляю, лічу, што ўвесь крымінальны перасьлед мае на мэце менавіта не раскрыцьцё рэальнага злачынства, а дыскрэдытацыю мяне як рэальнага канкурэнта дзейным на той момант прэзыдэнтам Рэспублікі Беларусь».
Пра мэтады дзяржаўнага ціску
«Я разумею, што СІЗА КДБ спрыяе „прасьвятленьню“ памяці і фармаваньню „правільных“ ацэнак, але ўсё-такі ніколі ня думаў, што часы 1930-х гадоў можна ўбачыць тут».
Пра ацэнку сваіх дзеяньняў
«Але я ведаю, і гэта дакладна, я ведаю тую ацэнку, якую мне паставілі, самае важнае для мяне, мае дзеці. Яны сказалі самыя важныя для мяне словы, і гэта праўда, і я гэта дакладна ведаю. Яны сказалі: «За тату ня сорамна».
ГЛЯДЗІЦЕ ТАКСАМА: Што трэба ведаць пра справу Віктара Бабарыкі і «Белгазпрамбанку» ГЛЯДЗІЦЕ ТАКСАМА: «Я веру ў законнасьць у Рэспубліцы Беларусь». Як зьмяніўся Віктар Бабарыка за год у турме ГЛЯДЗІЦЕ ТАКСАМА: Віктар Бабарыка ў інтэрвію з-за кратаў: «Улада знаходзіцца ў „сьпіралі адчаю“»