Вярхоўная Рада Ўкраіны падтрымала перайменаваньне ў Нью-Ёрк паселішча гарадзкога тыпу Наўгародзкае Бахмуцкага раёну Данецкай вобласьці.
Вяртаньне гістарычнай назвы ініцыявала мясцовая грамада і падтрымаў 301 дэпутат Вярхоўнай Рады Ўкраіны. У паселішчы 12 тысяч жыхароў.
Паселішча, заснаванае немцамі ў 1892 годзе, называлася Нью-Ёркам да 1951 году.
Ва Ўкраіне з 2016 году пачаўся працэс дэкамунізацыі. За гэты час перайменавалі 987 населеных пунктаў, 25 раёнаў, больш як 52 тысячы вуліц, а таксама дэмантавалі каля 2500 помнікаў і памятных знакаў, якія зьмяшчалі прапаганду таталітарнага рэжыму.