У сьпіс сэктаральных санкцый ЭЗ, сярод іншага, трапілі тры беларускія банкі: «Беларусбанк», «Белінвэстбанк», «Белаграпрамбанк».
ГЛЯДЗІЦЕ ТАКСАМА: Эўразьвяз увёў сэктаральныя санкцыі адносна БеларусіШто абмежавалі
Для гэтых банкаў абмяжоўваецца праца зь іх «дочкамі», забараняецца выдаваць ім крэдыты ці набываць іх каштоўныя паперы на тэрмін больш як 90 дзён.
Фінансавы аналітык афіцыйнага партнэра офісу «Альпары» ў Менску Вадзім Іосуб
«Асноўнае абмежаваньне — гэта крэдытаваньне і набыцьцё аблігацый гэтых банкаў. Іншых абмежаваньняў — на забарону плацяжоў, на забарону карэспандэнцкіх адносінаў — няма. Тым больш няма гаворкі аб адключэньні ад SWIFT», — кажа Вадзім Іосуб.
Таксама Эўрапейскі інвэстыцыйны банк ня можа крэдытаваць дзяржаўныя праекты ў Беларусі. Тое самае тычыцца і краін-сябраў ЭЗ, якія мусяць прыняць абмежаваньні для ўдзелу Беларусі ў праграмах іх банкаў.
ГЛЯДЗІЦЕ ТАКСАМА: Аналітыкі: Санкцыі ўдараць па кішэні Лукашэнкі, у некаторых выпадках за гэтым можа стаяць непрадбачаны бэнэфіцыяр — РасеяЯк санкцыі могуць спрацаваць на практыцы
Ва ўсім сьвеце цяпер пры адпраўцы плацяжоў правяраецца іх законнасьць. Пры наяўнасьці санкцый замежныя банкі могуць перастрахавацца.
«Напрыклад, банкі могуць не прапускаць плацяжы ў нейкіх выпадках, якія і не прадугледжаныя санкцыямі. Могуць узьнікнуць праблемы пры правядзеньні валютных плацяжоў у кліентаў гэтых банкаў. Гэта не прадугледжана санкцыямі, але гэта можа адбыцца празь перастрахоўку банкаў-карэспандэнтаў. Яны могуць проста не разабрацца, сустрэць назву банка ў сьпісе і спыніць плацёж, запатрабаваць дадатковыя дакумэнты», — прыводзіць прыклад Вадзім Іосуб.
Такі разбор можа цягнуцца да паўгода.
ГЛЯДЗІЦЕ ТАКСАМА: «Патэнцыйны эфэкт ад санкцыяў можа скласьці да 7% падзеньня ВУП», — эканамістЗамежныя банкі могуць убачыць рызыкі
Некаторыя замежныя банкі могуць убачыць рызыкі ў пазначэньні плацяжу «Беларусь» і могуць пачаць патрабаваць дадатковыя дакумэнты, нават калі банк-атрымальнік не адносіцца да ліку тых трох, што трапілі пад абмежаваньні.
«Гэта можа сапсаваць жыцьцё пры любых апэрацыях дзяржаўных банкаў і можа нават закрануць іншыя беларускія банкі», — кажа Вадзім Іосуб.
Пры гэтым ён адзначае, што са жніўня мінулага году ЭЗ і так ня надта крэдытаваў беларускія банкі.
ГЛЯДЗІЦЕ ТАКСАМА: Лукашэнка адрэагаваў на эканамічныя санкцыі Эўразьвязу: «Ваеннае становішча, калі трэба» ГЛЯДЗІЦЕ ТАКСАМА: Кіраўнік Эўрапейскай рады назваў мэту новых санкцыяў супраць уладаў Беларусі ГЛЯДЗІЦЕ ТАКСАМА: «Пуцін, а не Лукашэнка, павінен быць галоўным аб’ектам санкцый». Інтэрвію з былым прэм’ер-міністрам Славаччыны