Новыя санкцыі Захаду ў дачыненьні да службовых асоб і шэрагу прадпрыемстваў Беларусі «дэманструюць непахісную трансатлянтычную прыхільнасьць падтрымцы дэмакратычных памкненьняў беларускага народу», — зазначыў кіраўнік зьнешнепалітычнага ведамства ЗША Энтані Блінкен.
ГЛЯДЗІЦЕ ТАКСАМА: ЗША ўвялі санкцыі супраць 16 грамадзян Беларусі і 5 установаўЁн паінфармаваў, што Вашынгтон увёў забарону на выдачу амэрыканскіх уязных візаў 46 афіцыйным асобам Беларусі, якія займаюць «ключавыя пасады» ў адміністрацыі Лукашэнкі, шэрагу міністэрстваў і ведамстваў, а таксама дадатковыя санкцыі ў дачыненьні яшчэ да 16 грамадзян і пяці арганізацый.
ГЛЯДЗІЦЕ ТАКСАМА: Да санкцыяў Эўразьвязу і ЗША супраць рэжыму Лукашэнкі далучыліся Вялікая Брытанія і Канада«Злучаныя Штаты працягваюць падтрымліваць міжнародныя намаганьні ў справе расьсьледаваньня парушэньняў, якія былі дапушчаныя падчас беларускіх прэзыдэнцкіх выбараў 2020 году, а таксама гвалту і злоўжываньняў, якія адбыліся пасьля іх», — заявіў Блінкен. Ён запэўніў, што амэрыканскія ўлады маюць намер адстойваць фундамэнтальныя свабоды народу Беларусі.
ГЛЯДЗІЦЕ ТАКСАМА: Санкцыі, на якія напрасіліся. Дыскусія экспэртаў пра рашэньне ЭўразьвязуПаводле Блінкена, рашэньне пра ўвядзеньне Вялікай Брытаніяй, ЭЗ, Канадай і ЗША новых абмежавальных захадаў супраць Менску было выпрацавана ў сьвятле інцыдэнту з прымусовай пасадкай у аэрапорце Менску самалёта ірляндзкай авіякампаніі Ryanair і арышту беларускага журналіста Рамана Пратасевіча і яго спадарожніцы Соф’і Сапегі. Акрамя таго, новыя санкцыі сталі адказам Захаду на «няспынныя рэпрэсіі ў Беларусі, улучна з наступам на правы чалавека, дэмакратычныя працэсы і фундамэнтальныя свабоды», — заявіў дыплямат.