Ізраіль нанёс ракетныя ўдары па аб’ектах у Сырыі

Ізраіль падзеі не пракамэнтаваў, піша DW.

Авіяцыя Ізраілю ў ноч на сераду, 9 жніўня, нанесла ракетныя ўдары па цэлях у Сырыі, паведаміла сырыйскае інфармацыйнае агенцтва САНА. Бамбавалі аб’екты ў цэнтральнай і ў паўднёвай частках краіны, маштабы нанесенай шкоды не ўдакладняюцца.

У сваю чаргу агенцтва AFP паведаміла, што ў выніку удараў загінулі восем «сырыйскіх баевікоў».

Ізраіль ніяк не пракамэнтаваў тое, што здарылася. Ізраільская армія прынцыпова не камэнтуе падобных паведамленьняў.

ВПС Ізраілю часта абстрэльваюць тэрыторыю Сырыі. Удары наносяцца пераважна па аб’ектах праіранскіх узброеных фармаваньняў. Ізраіль імкнецца абмежаваць ўплыў Ірану ў Сырыі, які мае саюзьніцкія адносіны з Дамаскам. Тэгеран лічыць Ізраіль заклятым ворагам.