Акторка і пасол добрай волі ААН Анджаліна Джалі сказала Сьвятлане Алексіевіч, што надзвычай уражаная ейнай кнігай «У вайны не жаночы твар», якую нядаўна прачытала. Яна таксама выказала занепакоенасьць ціскам на дзіцячы госьпіс у Горадні , за сытуацыяй вакол якога пільна сочыць.
ГЛЯДЗІЦЕ ТАКСАМА: У Горадні праз суд забіраюць памяшканьне, у якім падчас пандэміі шылі ахоўныя касьцюмы для мэдыкаў ГЛЯДЗІЦЕ ТАКСАМА: «Не чапайце дзяцей». Што адбываецца ў горадзенскім дзіцячым госьпісе пасьля візыту ДФРАнджаліна Джалі і Сьвятлана Алексіевіч размаўлялі таксама пра палітвязьняў і спосабы іх падтрымкі. У прыватнасьці, беларуская пісьменьніца, ляўрэатка Нобэлеўскай прэміі па літаратуры Сьвятлана Алексіевіч расказала пра гісторыю 17-гадовага Мікіты Залатарова, паведамляе BY_culture. Яны прагаварылі каля дзьвюх гадзінаў.
ГЛЯДЗІЦЕ ТАКСАМА: 17-гадовы палітвязень Мікіта Залатароў заявіў, што больш ня вытрымае ў адзіночцыАнджаліна Джалі — пасол добрай волі ААН у справах уцекачоў. Ад нядаўняга часу ў сваіх інтэрвію знакамітая акторка пачала намякаць, што не выключае для сябе палітычнай кар'еры.
Прыхільніцай пісьменьніцкага таленту Сьвятланы Алексіевіч зьяўляецца і іншая галівудзкая акторка – Сара Джэсіка Паркер. Амэрыканская зорка сэрыялу «Сэкс у вялікім горадзе» пяць гадоў таму выклала ў інстаграме фота кніг, якія яна чытае. Сярод іх быў і «Час сэканд-хэнд» Сьвятланы Алексіевіч.