Згаданае сьледзтва, якое фармальна называецца «працэсам назіраньня», лічыцца папярэднім этапам афіцыйнага разбору і можа падрыхтаваць будучыя расьсьледаваньні супраць менскіх чыноўнікаў, паведамляе Tagesspiegel.
Цяперашняе рашэньне Фэдэральнай генэральнай пракуратуры Нямеччыны не закранае ні Аляксандра Лукашэнкі, які карыстаецца імунітэтам кіраўніка дзяржавы, ні інцыдэнту з самалётам Ryanair, дадае выданьне.
ГЛЯДЗІЦЕ ТАКСАМА: «Не спадкаемцам фашызму мяне судзіць». Лукашэнка адрэагаваў на заяву адвакатаў у пракуратуру НямеччыныTagesspiegel мяркуе, што адкрыцьцё «працэсу назіраньня» зьвязанае са зваротам нямецкіх адвакатаў у фэдэральную пракуратуру ад імя дзесяці беларусаў, якія заявілі аб учыненьні Аляксандрам Лукашэнкам злачынстваў супраць чалавечнасьці.
ГЛЯДЗІЦЕ ТАКСАМА: Нямецкія адвакаты ад імя 10 рэпрэсаваных беларусаў патрабуюць прызнаць Лукашэнку і ягоны рэжым «тэрарыстычнымі»