Дзяржаўная авіяцыйная служба Ўкраіны паведаміла аб увядзеньні поўнай забароны на авіяцыйныя перавозкі паміж Украінай і Беларусьсю.
У прыватнасьці, у Дзяржавіяслужбе Ўкраіны ўдакладнілі, што забарона на палёты, уведзеная з 00:00 26 траўня, распаўсюджваецца ня толькі на ўкраінскіх, а і беларускіх апэратараў перавозак.
«Забарона распаўсюджваецца на ажыцьцяўленьне любых відаў палётаў між пунктамі прызначэньня на тэрыторыі Ўкраіны і Беларусі ўкраінскімі і беларускімі эксплюатантамі», — адзначаецца ў афіцыйным паведамленьні.
Такім чынам, гаворка ідзе аб забароне беларускім кампаніям ажыцьцяўляць прамыя і транзытныя пасажырскія і грузавыя рэйсы праз Украіну.
Раней прэм’ер-міністар Украіны Дзяніс Шмыгаль паведаміў аб увядзеньні забароны на авіязносіны зь Беларусьсю, але не ўдакладніў, ці распаўсюджваецца яна на беларускія авіякампаніі.
ГЛЯДЗІЦЕ ТАКСАМА: Украіна забараніла сваім кампаніям палёты ў Беларусь і транзыт над беларускай тэрыторыяй ГЛЯДЗІЦЕ ТАКСАМА: Украінская чыгунка забараніла перавозку беларускіх грузаў у расейскіх вагонах