Тэлеграм-канал «Маладога фронту» паведаміў, што зь вечара 21 траўня лідэр арганізацыі Дзяніс Урбановіч не выходзіць на сувязь.
Актывіст Леанід Кулакоў расказаў Свабодзе, што Дзяніс Урбановіч 21 траўня заходзіў да яго ў госьці, а сышоў «недзе пасьля 16-й гадзіны дня». Паводле Кулакова, Урбановіч меўся ехаць да сябе дамоў, але зьнік.
«Звычайна ён, як вяртаецца дамоў, тэлефануе, што дабраўся нармальна. Але ўчора не перазваніў», — сказаў Леанід Кулакоў.
Абноўлена. Дзяніса Ўрбановіча пасьля затрыманьня адвозілі ў Дэпартамэнт фінансавых расьсьледаваньняў Камітэту дзяржкантролю, паведаміў брат актывіста Максім.
Апошні раз Дзяніс Урбановіч адбываў адміністрацыйны арышт у сакавіку, у Жодзінскім ізалятары. Ён расказваў, што ўмовы і стаўленьне да яго з боку ахоўнікаў ізалятару былі надзвычай жорсткімі.
ГЛЯДЗІЦЕ ТАКСАМА: «Завялі ў душ і пачалі зьбіваць палкай. Маёр назіраў». Дзяніс Урбановіч пра зьдзекі ў Жодзіне