У камэнтары для «Нашай нівы» сваякі мэдыка сказалі, што ня ведаюць, паводле якога артыкулу яго трымаюць. Што тычыцца адваката, дык ён знаходзіцца пад падпіскай аб невыдаваньні.
ГЛЯДЗІЦЕ ТАКСАМА: Затрымалі вядомага хірурга Андрэя Любецкага, сямʼя якога пакінула БеларусьПадчас затрыманьня Андрэй Любецкі паведаміў жонцы, што яго падазраюць у «абразе». Але калі б гаворка шла пра артыкул 369 КК «Абраза прадстаўніка ўлады», яго не маглі б трымаць за кратамі больш за трое сутак.
Неадназначная сытуацыя і з артыкулам 368 КК «Абраза прэзыдэнта Беларусі». Каб інкрымінавалася першая частка — публічная абраза — пагражала б максымум трое сутак у ізалятары.
ГЛЯДЗІЦЕ ТАКСАМА: Затрымалі яшчэ аднаго лекара, які ў сацсетках выказваўся пра падзеі ў Беларусі. Гэтым разам у БарысавеТаму ня выключана, што гаворка пра другую частку таго ж артыкулу — абраза прэзыдэнта, спалучаная з абвінавачаньнем у зьдзяйсьненьні цяжкога злачынства. Тут прадугледжана максымальнае пакараньне — 3 гады калёніі. У такім выпадку абвінавачанага могуць трымаць у СІЗА да суду.
Андрэя Любецкага затрымалі 4 траўня. Ягоная жонка і чацьвёра дзяцей пасьпелі зьехаць за мяжу.
ГЛЯДЗІЦЕ ТАКСАМА: Начныя допыты, дзіўныя кроплі, схаваная камэра. «Пасыльная» Макара расказала, як «апрацоўваюць» вязьняў у турме КДБ