Санстанцыя вынесла пастанову аб парушэньнях на полі дзіцяча-юнацкай спартовай школы № 2 у Барысаве. Яна зачыніла палі да 2023 году. Прычым гэта была адзіная пляцоўка ў горадзе, прыдатная для трэнаваньняў, піша тэлеграм-канал «Родны футбол».
У ДзЮСШ-2 займалася каля 250 дзяцей, ня кажучы аб прыватных школах, адзначыў «Прессбол».
Афіцыйная прычына — поле не адпавядае санітарным нормам. Праверка на стадыён прыйшла нібыта пасьля скаргі аднаго з жыхароў Барысава. Сама футбольная школа ня ў стане выправіць парушэньні без дзяржаўнага бюджэту, а грошы на гэта не вылучалі.
Барысаўская ДзЮСШ-2 — пераможца і прызэр шэрагу дзіцячых і юнацкіх футбольных спаборніцтваў. У шэрагу яе выхаванцаў, напрыклад, шматразовы чэмпіён Беларусі паўабаронца Ігар Стасевіч, які выступае таксама і за нацыянальную зборную краіны.
ГЛЯДЗІЦЕ ТАКСАМА: «Пра хакей мы больш ня пішам». Вялікая гутарка з галоўным рэдактарам «Трыбуны» Алегам Гаруновічам ГЛЯДЗІЦЕ ТАКСАМА: Галоўны трэнэр зборнай Беларусі ў футболе пайшоў у адстаўку пасьля паразы ад Бэльгіі зь лікам 0:8 ГЛЯДЗІЦЕ ТАКСАМА: «Мы проста хацелі падзякаваць лекарам». Санстанцыя і МНС дачасна прыкрылі выставу пра гераізм мэдыкаў