У Менску ў Беларускім дзяржаўным музэі гісторыі Вялікай айчыннай вайны 8 красавіка адбылася цырымонія, прысьвечаная Дню памяці Катастрофы і гераізму эўрапейскіх габрэяў, піша БелаПАН.
Знакі праведнікаў народаў сьвету для Любові Дзьякавай і Тацяны Лосевай.
Амбасадар Дзяржавы Ізраіль у Беларусі Алекс Гольдман-Шайман уручыў дыплёмы і мэдалі праведнікаў народаў сьвету нашчадкам беларускіх грамадзян, якія ратавалі габрэяў ад нацыстаў у мінулую вайну. Сёлета праведнікамі народаў сьвету названы Любоў Дзьякава і Тацяна Лосева.
Надзвычайны і паўнамоцны амбасадар Дзяржавы Ізраіль у Беларусі Алекс Гольдман-Шайман уручае ўзнагароду.
Па стане на 1 студзеня 2020 году — апошнюю дату, на якую мэмарыяльны комплекс гісторыі Галакосту «Яд Вашэм» прыводзіў статыстыку, на плянэце налічваліся 27 712 праведнікаў. У Беларусі такі статус мелі 669 чалавек. Абсалютнай бальшыні праведнікаў ужо няма на сьвеце.
ГЛЯДЗІЦЕ ТАКСАМА: Нямецкія гісторыкі абвінавацілі «Беларусь сегодня» ў падтрымліваньні «антысэміцкіх стэрэатыпаў» ГЛЯДЗІЦЕ ТАКСАМА: У Горадні забаранілі спэктакль, дзе асуджаецца фашызм. Пракуратура ўгледзела ў ім аналёгіі з сытуацыяй у краіне