Пра тое, што затрыманыя 25 сакавіка мужчыны ў галадоўцы, даведаліся іхныя родзічы ад супрацоўнікаў ізалятара. Супрацоўнікі прасілі забраць перадачы, прынесеныя раней.
ГЛЯДЗІЦЕ ТАКСАМА: У Бабруйскім ізалятары абвясьцілі галадоўку пяць асуджаных за Дзень ВоліПрычыны галадаваньня і пакараньня карцарам асуджаных у ізалятары 26 сакавіка застаюцца невядомыя.
Першым абвясьціў галадоўку 27 сакавіка Іван Манько, якому прысудзілі 30 дзён арышту. Столькі ж далі і Ўладзімеру Міхалапу.
Інваліду 3-й групы, у якога хвароба Паркінсона — Сяргею Бяляеву, а таксама Аляксандру Парахневічу, далі па 20 сутак. На 15 дзён адправілі за краты Паўла Кабанчука, пра галадоўку якога стала вядома ўсьлед за Манько. Паўла затрымалі, бо на ягонай машыне была Пагоня. Тыя ж 15 дзён атрымаў Сяргей Мардушкоў, які вывесіў на Дзень Волі на бальконе бел-чырвона-белы сьцяг. Пра яго затрыманьне стала вядома два дні таму.
ГЛЯДЗІЦЕ ТАКСАМА: Бабруйскі ізалятар: галадоўка пратэсту, 400 рублёў за 30 сутак арышту, зьняволены інвалід