Праз два месяцы пасьля прышчэпкі расейскай вакцынай «Sputnik V» у прэзыдэнта Аргентыны Альбэрта Фэрнандэса выяўлены каранавірус, інфармуе Голас Амэрыкі.
У сэрыі твітаў, апублікаваных у пятніцу вечарам, Фэрнандэс паведаміў, што здаць тэст яго прымусіла высокая тэмпэратура і невялікі галаўны боль.
ГЛЯДЗІЦЕ ТАКСАМА: COVID: недавер да AstraZeneca; Эўропа адстае; «лідэры постпандэмійнага сьвету»«Я ўжо ізаляваны, выконваю дзеючы пратакол і прытрымліваюся інструкцый асабістага лекара, — сказаў ён. — Я зьвязаўся зь людзьмі, зь якімі я сустракаўся ў апошнія 48 гадзін, каб ацаніць, ці можна іх лічыць цеснымі кантактамі».
Тэст на антыгены з наступным ПЦР-тэстам пацьвердзіў пастаўлены дыягназ — COVID-19, паведаміла група лекараў Фэрнандэса.
Стан 62-гадовага лідэра застаецца «стабільным, бессымптомным, з парамэтрамі ў межах нормы», адзначылі лекары.
ГЛЯДЗІЦЕ ТАКСАМА: Прышчэплены «Спутником» прэзыдэнт Аргэнтыны ізаляваны з падазрэньнем на каранавірус