У Бешанковічах жыхары вуліцы Маладзёжнай масава скардзяцца на якасьць вадаправоднай вады.
Sputnik паведамляе, што ў шпіталь з атручэньнем трапіла як найменш 5 дзяцей.
Бешанковіцкі райвыканкам на сваім сайце пацьвердзіў гэтую інфармацыю.
Людзі сталі скардзіцца на дзіўны пах вады з-пад крану: паводле жыхароў, вада сьмярдзела ці то хлёркай, ці то бэнзінам, была дзіўнага колеру.
Старшыня райвыканкаму Віктар Грышан кажа, што вінаватая аварыя на водаправодных сетках у ноч з 29 на 30 сакавіка. Але жыхары мікрараёну цьвердзяць, што смурод зьявіўся яшчэ раней, 28 сакавіка.
На рамонце працуе аварыйная брыгада. Да дамоў арганізавалі падвоз пітной вады ў цыстэрнах.