Пра гэта транспартная кампанія Inchcape Shipping паведамляе ў сваім Твітэры.
The MV Ever Given was successfully re-floated at 04:30 lt 29/03/2021. She is being secured at the moment. More information about next steps will follow once they are known. #suezcanel #maritime pic.twitter.com/f3iuYYiRRi
— Inchcape Shipping (@Inchcape_SS) March 29, 2021
Паводле інфармацыі кампаніі, гэта адбылося ў 4:30 паводле мясцовага часу. Як хутка ў Суэцкім канале адновіцца рух, пакуль не паведамляецца.
Агенцтва Bloomberg піша, што для зьняцьця зь мелі судна Ever Given, якое перавозіць кантэйнэры, задзейнічалі 10 буксіраў, а таксама выкапалі 27 тысяч кубамэтраў пяску на глыбіню 18 мэтраў. Пакуль застаецца невядомым, колькі часу спатрэбіцца для вызваленьня 450 суднаў, якія затрымаліся праз блякаваньне руху.
Ever Given — адзін з самых вялікіх у сьвеце караблёў, якія перавозяць кантэйнэры — сеў на мель у Суэцкім канале раніцай 23 сакавіка. Транспартная кампанія паведамляла, што прычынай інцыдэнту стаў моцны вецер. Судна накіроўвалася з Кітаю ў нідэрляндзкі порт Ратэрдам, на ім знаходзіліся нафта і нафтапрадукты.
Страхавая кампанія Allianz заяўляла, што праз блакаваньне Суэцкага канала сусьветны гандаль можа страціць 230 млрд даляраў.
ГЛЯДЗІЦЕ ТАКСАМА: Кантэйнэравоз Ever Given чацьвёрты дзень спрабуюць зьняць зь меліны — ён загарадзіў Суэцкі канал