У дакумэнты новага тыпу будзе ўбудаваная мікрасхема, якая зьмяшчае фотавыявы, адбіткі пальцаў рук і іншыя пэрсанальныя дадзеныя ўладальніка, піша Белта.
Агулам зьявіцца 8 новых відаў дакумэнтаў, якія зьмяшчаюць біямэтрычныя дадзеныя, у тым ліку ідэнтыфікацыйная карта грамадзяніна і біямэтрычны пашпарт. За выдачу ідэнтыфікацыйнай карты трэба будзе заплаціць 1,5 базавай велічыні (1 БВ — Br29), біямэтрычнага пашпарта – 2 БВ.
ID-карты плянуецца выкарыстоўваць на тэрыторыі Беларусі для пасьведчаньня асобы ўладальніка. Біямэтрычныя пашпарты спатрэбяцца для выезду за мяжу. Вырабіць пашпарт будзе магчыма, толькі калі заяўнік мае ідэнтыфікацыйную карту.
Абавязковай замены пашпартоў, якія ёсьць цяпер у насельніцтва, на новыя біямэтрычныя дакумэнты не плянуецца. Пашпарт грамадзяніна Рэспублікі Беларусь, які дзейнічае цяпер, будзе выдавацца на ранейшых умовах.
ГЛЯДЗІЦЕ ТАКСАМА: Зьнешні доўг Беларусі перавысіў рэкордныя 42 млрд даляраў. Аналітыкі прагназуюць, што росту заробкаў і пэнсій ня будзе