У Магілёўскім Ленінскім раённым судзе затрымалі мужчыну, які прыйшоў туды з нажом і пагражаў супрацоўнікам Дэпартамэнту аховы.
Пасьля спробаў угаварыць яго кінуць нож мужчыну затрымалі з ужываньнем сілы. Імя яго не называюць, але вядома, што ён інвалід. Падчас гутарак зь міліцыянтамі ён гаварыў пра нявыплату яму грошай.
Інваліду стала кепска пасьля затрыманьня, яму выклікалі хуткую дапамогу. З будынку суду нікога не выпускаюць і не ўпускаюць, уваходныя дзьверы зачыненыя.
Гэтая публікацыя падрыхтаваная з выкарыстаньнем інфармацыі БелаПАН.
ГЛЯДЗІЦЕ ТАКСАМА: «Супраць Лукашэнкі?» Мужчына ў Берасьці ўдарыў мэдыка ў твар. Міліцыя вядзе праверку