«У Беларусі павінны паважацца правы чалавека, а апазыцыю трэба прыцягнуць да сапраўднага дыялёгу для выхаду з крызісу. Фінляндыя працягне падтрымліваць гэтыя намаганьні, у прыватнасьці ў АБСЭ», — напісаў у Твітэры міністар замежных спраў Фінляндыі Пэка Хаавіста па выніках сустрэчы са Святланай Ціханоўскай у Хэльсынкі, назваўшы дыскусію «выдатнай».
FM @Haavisto : Excellent discussions w/@Tsihanouskaya today in Helsinki. Human rights must be respected in #Belarus and the opposition needs to be involved in a genuine dialogue to solve the crisis. Finland continues to support these efforts in particular in the @OSCE. pic.twitter.com/uCT1n2Wu0W
— Ulkoministeriö (@Ulkoministerio) March 3, 2021
Як паведамляе прэс-служба Ціханоўскай, падчас візыту ў Фінляндыю яна таксама сустрэлася з прэзыдэнтам гэтай краіны Саўлі Нііністэ, прэм’ер-міністаркай Саннай Марын, з прадстаўнікамі фінскага парлямэнту і з былой прэзыдэнткай Тарʼей Халанэн.
Сустрэча Сьвятланы Ціханоўскай з прэзыдэнтам Фінляндыі Саўлі Ніініста 2 сакавіка 2021
Ціханоўская заклікала Фінляндыю сачыць за справамі палітвязьняў, рэпрэсіямі супраць страйкаму «Беларуськалію», расказала пра апошнія прысуды журналісткам Кацярыне Барысевіч, Кацярыне Андрэевай і Дарʼі Чульцовай, лекару Арцёму Сарокіну, пра суды над Віктарам Бабарыкам і Сяргеем Ціханоўскім.
Яна таксама падзякавала МЗС Фінляндыі за падтрымку кампаніі па пераносе чэмпіянату сьвету па хакеі зь Менску і заклікала падтрымаць расьсьледаваньне датычнасьці старшыні Фэдэрацыі хакею Беларусі Дзьмітрыя Баскава да забойства Рамана Бандарэнкі, пачатае Міжнароднай фэдэрацыяй хакею.
ГЛЯДЗІЦЕ ТАКСАМА: За кратамі, бо журналістыАкрамя таго Ціханоўская прапанавала падтрымаць выключэньне Белтэлерадыёкампаніі з Эўрапейскага вяшчальнага зьвязу.
«Прадстаўнікі Фінляндыі заявілі, што падтрымаюць чацьвёрты пакет санкцый ЭЗ, пасярэдніцтва АБСЭ ў разьвязаньні палітычнага крызісу ў Беларусі, акажуць дапамогу незалежным СМІ і праваабаронцам, перагледзяць супрацоўніцтва з кампаніямі, якія падтрымліваюць рэжым Лукашэнкі», — гаворыцца ў паведамленьні прэс-службы Сьвятланы Ціханоўскай.