Ад 1 сакавіка для трымальнікаў картак Mastercard усіх банкаў Беларусі запрацаваў сэрвіс аплаты праезду на станцыях мэтро «Няміга», «Інстытут культуры» і «Плошча Леніна» з выкарыстаньнем тэхналёгіі распазнаваньня асобаў.
Прэзэнтаваны «Беларусбанкам» інавацыйны праект «Глядзі і праходзь» дазваляе ажыцьцяўляць аўтэнтыфікацыю пасажыраў і аплату праезду ў рэжыме рэальнага часу ня больш чым за 2 сэкунды.
Для аплаты праезду трэба паглядзець на біямэтрычны тэрмінал, папярэдне выканаўшы некалькі апэрацый.
- Спампаваць і ўстанавіць праграму М-банкінгу «Беларусбанку»
- Выбраць укладку «Глядзі і праходзь»
- Сфатаграфаваць свой твар перад паездкай.
Пры пераходзе праз турнікет біямэтрычная сыстэма «прачытае» рысы твару і з аплатнай карткі сьпішацца патрэбная сума.
Скарыстацца новай паслугай могуць кліенты любога банку Беларусі. Дзеля гэтага з дапамогай SMS-банкінгу неабходна дадаць сваю картку да М-банкінгу ў любым інфакіёску «Беларусбанку».
ГЛЯДЗІЦЕ ТАКСАМА: У мэтро зьбіраюцца абʼяўляць прыпынкі на расейскай мове замест ангельскай ГЛЯДЗІЦЕ ТАКСАМА: У Менску паведамілі пра міны ў мэтро, на вакзале, у самалёце і гандлёвых цэнтрах ГЛЯДЗІЦЕ ТАКСАМА: Пасажырскія перавозкі ў Менску ў студзені 2021 году скараціліся на чвэрць. Сярод прычын — каранавірус