18 лютага дваіх смаргонцаў асудзілі за распаўсюджваньне улётак са зьвесткамі пра міліцыянтаў. Пасьля прысуду нехта ў калідоры суду выгукнуў: «Жыве Беларусь!» Старшыня суду загадала нікога не выпускаць. Хтосьці пасьпеў выскачыць праз акно, астатніх забрала міліцыя.
На наступны дзень па Смаргонях пракацілася хваля арыштаў.
А цяпер стала вядома, што міліцыя завяла крымінальную справу за хуліганства, паведаміла «Наша ніва».
Падазраваныя ў справе — усе, хто быў на працэсе.
У тым ліку рэдактар «Новай газеты Смаргоні» Рамуальд Улан, якога раней асудзілі на два гады «хіміі». Ён расказаў, што цяпер на яго ціснуць: «Мне кажуць, што хіміяй не абыдзецца».
ГЛЯДЗІЦЕ ТАКСАМА: У Смаргонях дваіх чалавек асудзілі за ўлёткі. Групу падтрымкі зачынілі ў судзе, асуджанаму стала блага ГЛЯДЗІЦЕ ТАКСАМА: Рэха аднаго воклічу «Жыве Беларусь»? У Смаргонях за адзін вечар затрымалі некалькі актывістаў